Mərdəkanda qəfil sağdan çıxan sürücü avtomobili vurdu - ANBAAN VİDEO

Paytaxtın Xəzər rayonu, Mərdəkan qəsəbəsində kobud qayda pozan sürücü qəzaya səbəb olub. 

Avtosfer.az-ın məlumatına görə, hadisə fevralın 16-da saat 08:45 radələrində Sergey Yesenin küçəsində qeydə alınıb.

Kadrlardan göründüyü kimi, 77-QZ-995 dövlət nömrə nişanlı “Ford” markalı avtomobilin sürücüsü hərəkətdə olan maşına məhəl qoymadan qəfil sağdan ötməyə cəhd edib.

Nəticədə o, görüntünü qeydə alan avtomobili vurub.

Xoşbəxtlikdən ağır qəza baş verməsə də, avtomobilə maddi ziyan dəyib.

Qeyd edək ki, sağdan ötmək yol hərəkəti qaydalarına ziddir və qəza riskini artırır. Sürücülər ötmə manevrlərini yalnız sol tərəfdən və təhlükəsiz şəraitdə etməlidirlər.

Nərmin