Vətəndaşlara şad xəbər – Ayda bir dəfə pulsuz olacaq!

Fiziki şəxslər şəxsi istifadə məqsədilə ayda bir dəfə müəyyən edilmiş miqdarda siqaret və alkoqollu içkini gömrük ödənişləri ödəmədən Azərbaycana gətirə bilərlər.

Avtosfer.az “Yeni Sabah”-a istinadla xəbər verir ki, bu barədə Dövlət Gömrük Komitəsinin əməkdaşı Elşən Cəfərov məlumat verib.

O bildirib ki, 18 yaşına çatmış hər bir vətəndaş ay ərzində bir dəfə güzəştli qaydada 1,5 litr alkoqollu içki və 200 ədəd siqaret gətirmək hüququna malikdir.

Elşən Cəfərovun sözlərinə görə, qeyd olunan miqdar şəxsi istifadə üçün nəzərdə tutulub və müəyyən edilmiş hədlər daxilində məhsullar gömrük ödənişləri ödənilmədən gömrük ərazisinə gətirilə bilər.

Beləliklə, 18 yaşına çatmış vətəndaşlar ayda bir dəfə şəxsi istifadə üçün 1,5 litrədək alkoqollu içki və 200 ədəd siqareti güzəştli qaydada ölkəyə gətirə bilərlər.