Məzuniyyətə gələn əsgər idarə etdiyi “VAZ”ı yük maşınına çırpdı - VİDEO

Tərtər rayonu Təzəkənd kəndində ağır yol-nəqliyyat hadisəsi baş verib.
Avtosfer.az-ın məlumatına görə, qəza fevralın 27-si səhər saatlarında qeydə alınıb. Hərəkətdə olan 22-BF-118 dövlət nömrə nişanlı “VAZ-2107” markalı avtomobil, “Qazel” markalı yük maşınıyla toqquşub. İddiaya əsasən, qəzaya səbəb “VAZ” sürücüsünün sürət həddini aşması bildirilir. Nəticədə yük maşınına çırpılan avtomobil tamamilə sıradan çıxıb, digər nəqliyyat vasitəsinə də maddi ziyan dəyib. “VAZ”ı idarə edən şəxs xəsarət alıb. 
Qeyd edək ki, DİN-in mətbuat xidmətinin Bərdə regional qrupundan verilən məlumata görə, faktla bağlı araşdırma davam edir. 

Nərmin