Motoroller qəzaya düşdü, sürücü ağır yaralandı

Şəmkirdə yol nəqliyyat qəzası baş verib. Hadisə rayonun Çinarlı kəndində qeydə alınıb. Kənd sakini, 1979-cu il təvəllüdlü Ruslan Abbasov idarə etdiyi motoroller ilə hərəkətdə olarkən “VAZ 2106” markalı avtomobillə qarşı-qarşıya gəlib. Qəzadan yayınmaq üçün sürücü motorolleri yolun kənarına çıxarıb və nəqliyyat vasitəsi aşıb. Qəza zamanı R.Abbasov ağır bədən xəsarəti alaraq Gəncə şəhər Təcili Tibbi Yardım xəstəxanasına yerləşdirilib. Vəziyyətinin ağır olduğu bildirilir. Qəza zamanı “VAZ 2106” da yolun kənarına çıxıb. Xoşbəxtlikdən maşında xəsarət alan olmayıb.

Faktla bağlı Şəmkir rayon Polis Şöbəsində araşdırma aparılır.

APA