Naxçıvan-Sədərək yolunda qəza: 3 nəfər xəsarət alıb

Naxçıvan-Sədərək magistralında yol-nəqliyyat hadisəsi olub, 3 nəfər xəsarət alıb.

Hadisə Şərur rayonunun Püsyan kəndi ərazisində baş verib.

Yüksək sürətlə hərəkət edən "Mercedes" markalı minik avtomobili idarəetməni itirərib və yoldan çıxaraq aşıb. Nəticədə Şərur rayon Aralıq kənd sakinləri, 1953-cü il təvəllüdlü Həsənova Gülnaz Qələndər qızı, 1970-ci il təvəllüdlü Rzayev Pünhan Həsənov oğlu və 1987-ci il təvəllüdlü Həsənova Səyyarə Hidayət qızı xəsarət alıblar.

Xəsarət alanlar Naxçıvan Mərkəzi Xəstəxanasına yerləşdiriliblər. P.Rzayevin vəziyyəti ağır, digər iki sərnişinin vəziyyəti isə orta-ağırdır.

Faktla bağlı araşdırma aparılır.