Naxçıvanda “Nissan”la “Opel” toqquşdu, qadın sürücü xəsarət aldı - VİDEO

Naxçıvan şəhəri 2-ci mikrorayon ərazisində yol-nəqliyyat hadisəsi qeydə alınıb.
Avtosfer.az-ın məlumatına görə, qəza martın 27-si saat 12:40 radələrində baş verib. Belə ki, hərəkətdə olan 75-BX-725 dövlət nömrə nişanlı “Nissan” markalı maşın, “Opel” markalı avtomobillə toqquşub. İddiaya əsasən, qəzaya səbəb “Nissan” sürücüsünün növbəsini gözləmədən hərəkət etməsi olub. Nəticədə bir-birinə çırpılan nəqliyyat vasitələri yararsız hala düşüb. Həmçinin qəza zamanı sürücülərdən biri yüngül xəsarət alıb.
Qeyd edək ki, hadisə yerinə təcili tibbi yardım və polis əməkdaşları cəlb olunub.

Nərmin