Naxçıvanda velosipedçini maşın vurdu

Naxçıvan şəhərində piyadanın vurulması ilə nəticələnən yol-nəqliyyat hadisəsi baş verib.

Hadisə şəhərin “4 Yol” Ticarət Mərkəzinin qarşısında qeydə alınıb.

Belə ki, avtomobil velosiped sürən Naxçıvan şəhər sakini, 1967-ci il təvəllüdlü Bağırov Zakir Ramiz oğlunu vurub.

O, Naxçıvan Mərkəzi Xəstəxanasının Travmatologiya şöbəsinə yerləşdirilib, vəziyyəti orta ağırdır.

Faktla bağlı araşdırma aparılır. (Unikal)