Ödənişli yolda ölüm gətirən amillər: Dərhal hərəkətə keçməlidirlər - AÇIQLAMA

Xəbər verdiyimiz kimi, 2 gün əvvəl Bakı-Quba-Rusiya ödənişli avtomagistralının Şabrandan keçən hissəsində ölümlə nəticələnən avtoqəza baş verib.
Ölkə.az xəbər verir ki, hadisə nəticəsində 26 yaşlı Cəfər Həsənov vəfat edib.
Təəssüf ki, bu hadisə sözügedən yolda ölümlə nəticələnən ilk qəza hadisəsi deyil. Ötən ilin noyabrında da sözügedən yolda baş verən qəza nəticəsində 2 nəfər dünyasını dəyişmişdi.
Bu da ödənişli yolda təhlükəsizlik məsələsini gündəmə gətirib.
Mövzu ilə bağlı Ölkə.Az-a danışan yol-nəqliyyat eksperti Eldəniz Cəfərov 3 məqama diqqət çəkib.
"İlk növbədə həmin magistral yol işıqlandırılmalıdır. Təəssüf ki, həmin yolda işıqlandırılma yoxdur və yaxud da qismən var. Bu da, əlbəttə, sutkanın qaranlıq saatlarında qəza riskini artırır. Qəza olan zaman da opertiv nəqliyyat vasitələrinin - məsələn, təcili tibbi yardım avtomobilinin də oraya gəlib çatması problematik olur. Həmin yolda avtomobil təmiri, təcili yardımla bağlı hər hansı bir köşk də mövcud deyil. Ona görə də düşünürəm ki, bu məsələlərə də xüsusi diqqət yetirilməlidir.
Buradan belə bir sual meydana çıxır: nəyə görə bu magistral yol işıqlandırılmayıb? Düşünürəm ki, müvafiq qurumlar bununla bağlı hərəkətə keçməlidirlər. Nə qədər ki bu yol işıqlandırılmayıb, yolda konkret sürət həddi təyin edilməyib, əlbəttə, qəzalar qaçılmaz olacaq",- deyə o söyləyib.
Ekspert əlavə edib ki, digər bir məsələ isə qar yağan zaman yolun qardan təmizlənməsi məsələsidir: "Bu da həyata keçirilməli idi ki, qəza riski azalsın".
Aeroport yolunda AĞIR QƏZA - VİDEO
Bakıda ağır qəza: ÖLƏN var
Binəqədidə AĞIR QƏZA: İki avtomobil toqquşdu - VİDEO
Hövsanda daha bir qəza: İki avtomobil toqquşdu - VİDEO
Milli Qəhrəmanın oğlu qəzaya düşdü - TƏBİB-dən AÇIQLAMA
Saray körpüsündə 3 maşın bir-birinə çırpıldı – Xəsarət alan var - VİDEO
Bakıda “Tesla” işıq dirəyinə çırpılıb əks yola çıxdı - VİDEO
Qaxda ağır qəza: Dörd yeniyetmə xəsarət aldı - YENİLƏNİB
Hövsanda qəza: Maşının buferi qopub mağazanın şüşəsini sındırdı - VİDEO
Yük maşını 12 yaşlı velosipedçini vurub ÖLDÜRDÜ
Azərbaycanda yol qəzalarının sayı azalıb: Bəs ölüm halları niyə yüksəkdir? - RƏY












