Oğuzda "Opel" qaz xəttinə çırpılıb, iki kənd qazsız qaldı - FOTO

Oğuz rayonunda avtomobil qaz xəttinə çırpılıb.

Avtosfer.az-ın "Report"a istinadən məlumatına görə, hadisə Qaraməryəm-İsmayıllı-Şəki magistral yolunun rayonun Kərimli kəndi ərazisindən keçən hissəsində baş verib.

Belə ki, hərəkətdə olan "Opel" markalı avtomobil idarəetmədən çıxaraq yol kənarındakı qaz xəttinə çırpılıb. Nəticədə qaz xətti ciddi zədələnib.

Bununla yanaşı, Padar və Yemişənli kəndlərində 580 abonentə mavi yanacağın verilişi dayandırılıb.