“Opel” qovşaqda polis maşını ilə toqquşdu; ər-arvad öldü, 4 polis xəsarət aldı - FOTO

Türkiyənin Kahramanmaraş əyalətində iki minik avtomobilinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə Çağlayancerit rayonunda qeydə alınıb.

Məlumata görə, 65 yaşlı Əli Aydəmir, idarə etdiyi 44 LK 291 qeydiyyat nömrə nişanlı “Opel” markalı minik avtomobillə hərəkətdə olarkən, yol qovşağında polis maşını ilə toqquşub. Zərbənin təsirindən hə iki nəqliyyat vasitəsinin ön hissəsi deformasiyaya uğrayıb.

Qəza nəticəsində hər iki maşında olan 6 nəfər müxtəlif dərəcəli bədən xəsarətləri ilə xəstəxanaya çatdırılıb. Həkimləri bütün səylərinə baxmayaraq, minik avtomobilinin sürücüsü ilə onun həyat yoldaşının həyatını xilas etmək mümkün olmayıb.

Faktla bağlı araşdırma aparılır.

Namiq Musayev