Piyadanı vurmamaq üçün manevr edən sürücü maşını supermarketə çırpdı - VİDEO

Ağdaş rayonu, Ləki qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza yanvarın 12-də səhər saatlarında Xasılılar küçəsində qeydə alınıb. Belə ki, 77-CV-681 dövlət nömrə nişanlı “Opel” markalı avtomobil idarəetmədən çıxaraq yol kənarında yerləşən “Tamstore” supermarketinə çırpılıb.

İlkin iddialara əsasən, hadisə avtomobilin əyləc sistemində yaranmış nasazlıq səbəbindən baş verib. Bildirilib ki, sürücü ərazidən keçən piyadanı vurmamaq üçün qəfil manevr edib və nəticədə nəqliyyat vasitəsi obyektə dəyib.

Hadisə zamanı xəsarət alan olmasa da, avtomobilə və supermarketə maddi ziyan dəyib.

Faktla bağlı araşdırma aparılır.

Nərmin