Prospektdə avtobusla toqquşan “Mercedes” işıq dirəyini yerindən qopardı - DİN-dən AÇIQLAMA - VİDEO

Paytaxtın Xətai rayonu, 8 Noyabr prospektində ağır yol-nəqliyyat hadisəsi baş verib.
Avtosfer.az-ın məlumatına görə, hadisə yanvarın 8-i səhər saatlarında qeydə alınıb. Belə ki, 60 nömrəli marşrut xətti üzrə hərəkət edən avtobus, “Mercedes” markalı avtomobillə toqquşub. 
Şahidlərin iddialarına əsasən, qəzaya səbəb avtobus sürücüsünün qayda pozması olub. Nəticədə o, maşını vuraraq işıq dirəyinə çırpıb. Avtomobilə ciddi ziyan dəyib, sürücü xəsarət alıb. Zərbənin təsirindən işıq dirəyi yerindən qopub. 
Qeyd edək ki, hadisə yerinə DYP əməkdaşları cəlb olunub. DİN-in mətbuat xidmətindən Avtosfer.az-ın sorğusuna cavab olaraq bildirilib ki, qəza ilə bağlı təhqiqat araşdırmalarına başlanılıb, müvafiq ekspertizalar təyin edilib.

Nərmin