Qar səbəbindən onlarla avtomobil qəzaya uğrayıb

ABŞ-nin İndiana ştatında güclü qardan sonra təxminən 45 avtomobil qəzaya uğrayıb. Avtosfer.az-ın məlumatına görə, NBC telekanalı bu barədə ştat polisin nümayəndəsinə istinadən xəbər verib.

Onun sözlərinə görə, qəzada heç kim ciddi xəsarət almayıb. İlkin polis hesablamalarına görə, 20-30 avtomobilə ziyan dəyib, lakin sonra bu rəqəm 45-ə çatıb.

"İnsanlar sadəcə qar yağmağa başlayanda ehtiyatlı olmalı, sürəti azaltmalı, təhlükəsizlik kəmərlərini taxdıqlarına əmin olmalı və yolda diqqətli olmalıdırlar", - polisin nümayəndəsi əlavə edib.