Qaranlıqda yolu qaçaraq keçən piyada ölümün bir addımlığından döndü - VİDEO

Bakı-Ələt yolunda baş vermiş təhlükəli anlar avtomobilin kamerasına düşüb.

Avtosfer.az-ın məlumatına görə, hadisə sentyabrın 18-də axşam saatlarında qeydə alınıb.

Kadrlardan göründüyü kimi, piyada yolu müəyyən olunmamış yerdən qaçaraq keçməyə çalışıb. Bu zaman o, yolun ən sol zolağında hərəkətdə olan avtomobilin qarşısına qəfil çıxaraq təhlükəli vəziyyət yaradıb.

Xoşbəxtlikdən sürücü piyadanı vaxtında görüb və onu vurmamaq üçün yolun kənarına manevr edib.

Xatırladaq ki, piyadalar həm özlərinin, həm də sürücülərin təhlükəsizliyi üçün yolu yalnız müəyyən olunmuş yerlərdən keçməlidirlər. Xüsusilə yola qəfil çıxmaq sürücünün vaxtında reaksiya verərək təhlükədən yayınmaq imkanını məhdudlaşdırır və qəzaya gətirib çıxarır. 

Nərmin