Qarlı yolda “Mercedes”lə “şou” göstərmək istəyən sürücü qəzaya düşdü - VİDEO

Quba rayonu, Yeni Xınalıq yolunda yol-nəqliyyat hadisəsi baş verib.

Avtosfer.az-ın məlumatına görə, qəza dekabrın 28-də səhər saatlarında qeydə alınıb. Belə ki, hərəkətdə olan 90-RN-396 dövlət nömrə nişanlı “Mercedes” markalı avtomobil idarəetmədən çıxaraq yol kənarına düşüb. İlkin məlumata əsasən, qəzaya sürücünün qarlı yolda sürət həddinə əməl etməməsi səbəb olub. Hadisə nəticəsində xəsarət alan olmasa da, avtomobilə maddi ziyan dəyib.

Qeyd edək ki, qarlı və buzlu hava şəraitində sürücülərə sürət həddinə riayət etmələri, təhlükəli manevrlər etməmələri və daha diqqətli olmaları tövsiyə olunur.

Nərmin