Quba-Xaçmaz yolunda zəncirvari qəza: 4 maşın sürüşərək dərəyə düşdü - VİDEO

Quba-Xaçmaz yolunda 4 avtomobil qəzaya ardıcıl olaraq qəzaya düşüb.
Avtosfer.az-ın məlumatına görə, hadisə yanvarın 30-u səhər saatlarında qeydə alınıb. Belə ki, “Volkswagen”, iki “VAZ-2107” və “Mitsubishi Pajero” markalı avtomobillər qəzaya uğrayıb. 
DİN-in Mətbuat xidmətinin Quba regional qrupunun baş inspektoru, polis baş leytenantı Xəyal Talıbov Avtosfer.az-a bildirib ki, hadisəyə səbəb yolun buz bağlaması və ara məsafəsinin düzgün seçilməməsi olub. DİN rəsmisi onu da əlavə edib ki, sürücülər arasında xəsarət alan olmasa da 3 avtomobilə maddi ziyan dəyib. 
Qeyd edək ki, son günlərdə qəza olan ərazidə baş vermiş yol-nəqliyyat hadisələrinin sayı artıb. Qarlı hava şəraitiylə əlaqədar yolda hərəkətin çətinləşməsi avtomobillərin qəzaya uğramasına səbəb olub.

Nərmin