Qubada ağır QƏZA: yaralılardan biri öldü - VİDEO - YENİLƏNİB

Quba rayonunun Xucbala kəndi ərazisində VAZ-2109 və “Opel” markalı minik avtomobilləri toqquşublar.

Hadisə nəticəsində beş nəfər müxtəlif dərəcəli xəsarətlər alıb, onlardan biri vəfat edib.

Yaralılar Qusar Rayon Mərkəzi Xəstəxanasına yerləşdiriliblər.

Xəstəxanadan bildirilib ki, vəziyyəti ağır olan 1954-cü il təvəllüdlü Nazif Nəriman oğlu Əliyevin həyatını xilas etmək mümkün olmayıb.

Qardaşının sözlərinə görə, mərhum evli olub və iki uşağı var:

“Mənə zəng edib dedilər ki, Şahdağ yolunda qardaşın qəza keçirib, sürücü ilə birlikdə beş nəfər olublar. Gəldim qardaşımın yanına, vəziyyəti yaxşı idi. Sonra qan verməyə getdi, dedilər ki, qardaşın vəfat edib”.

Ətraflı Baku TV-nin süjetində:

***

Quba-Qusar yolunun Qubanın Xucbala kəndindən keçən hissəsində - modul elektrik stansiyasının yanında yol qəzası baş verib. 

Avtosfer.az xəbər verir ki,  “Vaz 2108” markalı avtomobillə "Opel" markalı maşın toqquşub. 

Xəsarət alanlar var. Hazırda sürücülərin və xəsarət alanların şəxsiyyəti dəqiqləşdirilir. 

bizim.media