“Renault” yolu dönən avtomobilə çırpıldı, sürücü yaralandı - ANBAAN VİDEO

Abşeron rayonu Masazır qəsəbəsində yol-nəqliyyat hadisəsi qeydə alınıb.
Avtosfer.az-ın məlumatına görə, qəza bir müddət əvvəl axşam saatlarında baş verib. Belə ki, hərəkətdə olan “Renault Megane” markalı avtomobil “Toyota Prado” markalı maşınla toqquşub. İddiaya əsasən, qəzaya səbəb “Prado” sürücüsünün yolu müşahidə etmədən dönməsi olub. Nəticədə bir-birinə çırpılan hər iki nəqliyyat vasitəsi yararsız hala düşüb. Sürücülər arasında xəsarət alan var.
Qeyd edək ki, hadisə yerinə DYP əməkdaşları cəlb olunub. Faktla bağlı araşdırma davam edir.

Nərmin