Sabirabadda yol qəzasında xəsarət alan şəxs Bakıya göndərilib

Sabirabadda üç gün əvvəl baş verən yol qəzasında xəsarət alan şəxs Bakıya göndərilib.

Avtosfer.az-ın “Report”a istinadən məlumatına görə, vəziyyəti ağır olan Sabirabad rayon sakini, 1996-cı il təvəllüdlü Mustafayev Elməddin Ağazadə oğlu Bakı xəstəxanalarından birinə yerləşdirilib.

Qeyd edək ki, martın 10-da Hacıqabul-Mincivan-Bəhrəmtəpə magistralının rayonun Zalqarağac kəndi ərazisində keçən hissəsində ağır yol qəzası baş verib. Hadisə nəticəsində iki nəfər hadisə yerində ölüb, E.Mustafayev isə ağır yaralanıb.

Faktla bağlı araşdırma aparılır.