“Şamaxı” ilə oyuna gedən “Neftçi” azarkeşləri qəzaya düşdülər - FOTO

Bu gün Azərbaycan Premyer Liqasının XXII turunda “Şamaxı” klubu “Neftçi” ilə qarşılaşıb.

Avtosfer.az xəbər verir ki, Şamaxı şəhərindəki qarşılaşmadan öncə avtomobil qəzası baş verib. Belə ki, görüşü izləməyə gedən “Neftçi” azarkeşləri qəza törədiblər. Hadisə nəticəsində avtomobillər yararsız vəziyyətə düşsə də, xəsarət alan olmayıb. Şəhər polisi əraziyə gələrək müvafiq tədbirlər görüb. Qeyd edək ki, saat 14:00-da start götürən qarşılaşma Bakıdan gələn qonaq komandanın 2:1 hesablı qələbəsi ilə başa çatıb.