Şamaxıda ağır qəza: Xəsarət alan VAR - YENİLƏNİB

Şamaxı rayonunda baş verən yol-nəqliyyat hadisəsi zamanı xəsarət alanlardan iki nəfər Bakı şəhərindəki tibb müəssisəsinə köçürülüb. 

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib. Məlumatda qeyd edilir ki, hadisə nəticəsində xəsarət alan 3 nəfər (kişi) dünən gecə saat 01 radələrində Şamaxı Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Onlara bədənin müxtəlif nahiyələrinin çoxsaylı travmaları diaqnozu təyin edilib. 

Xəsarət alan şəxslərdən 2005-ci il təvəllüdlü (kişi) şəxsin müalicəsi Reanimasiya şöbəsində davam etdirilir. Vəziyyəti orta ağır qiymətləndirilir.

2005-ci il təvəllüdlü digər 2 nəfər (kişi) isə ixtisaslaşdırılmış tibbi xidmətin göstərilməsi üçün Səhiyyə Nazirliyinin Elmi-Tədqiqat Travmatologiya və Ortopediya İnstitutuna təxliyə olunub./oxu.az

***

Şamaxı rayonunda yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə şəhərin mərkəzi küçələrindən birində qeydə alınıb.

Şəhər ərazisində minik avtomobili idarəetmədən çıxaraq yol kənarındakı daş hasara çırpılıb.

Hadisə nəticəsində avtomobildə olan 3 nəfər xəsarətlərlə xəstəxanaya yerləşdirilib.

Faktla bağlı araşdırma aparılır.