Şəhərin mərkəzində əyləci tutmayan “07” “BakuBus”a çırpıldı - ANBAAN VİDEO

Paytaxtın Zərifə Əliyeva küçəsində baş vermiş qəza anbaan görüntülənib.
Avtosfer.az-ın məlumatına görə, hadisə martın 4-ü səhər saatlarında qeydə alınıb. Hərəkətdə olan 99-TD-097 dövlət nömrə nişanlı “VAZ-2107” markalı avtomobil “BakuBus”a məxsus avtobusla toqquşub. Qəzanın avtomobilin əyləc sistemində yaranmış nazaslıqdan baş verdiyi bildirilib. Nəticədə idarəetmədən çıxan “VAZ” öndə dayanmış avtobusa çırpılıb. Hadisə zamanı hər iki nəqliyyat vasitəsinə maddi ziyan dəyib. Xoşbəxtlikdən sürücü və sərnişinlər arasında xəsarət alan olmayıb.
Qeyd edək ki, hadisə yerinə evakuator xidməti cəlb olunub və qəzalı avtomobil ərazidən uzaqlaşdırılıb.

Nərmin