Şəki şəhərində yol-nəqliyyat hadisəsi baş verib.

Report-un məlumatına görə, hadisə axşam saatlarında şəhər ərazisində qeydə alınıb.

Şəki sakini, 1982-ci il təvəllüdlü Əfqan Nəsirov idarə etdiyi “VAZ-2106” markalı avtomobili ilə hərəkətdə olarkən idarəetməni itirib və avtomobil Qurucana çayına düşüb. Hadisə nəticəsində sürücü müxtəlif dərəcəli bədən xəsarətləri alıb.

Hadisə yerinə dərhal Fövqəladə Hallar Nazirliyinin Şəki bölməsinin xilasediciləri və təcili yardım briqadası cəlb edilib.

Sürücü xilasedicilər tərəfindən avtomobildən çıxarılıb və Şəki rayon Mərkəzi Xəstəxanasına aparılıb.

Faktla bağlı araşdırma aparılır.