Şəmkirdə 3 avtomobil toqquşdu: 2 ölü, 3 yaralı

Şəmkirdə ağır yol-nəqliyyat hadisəsi zamanı ölən və xəsarət alanların kimliyi məlum olub.

"Report"un Qərb bürosunun məlumatına görə, Yeni Həyat kəndində 3 avtomobilin toqquşması nəticəsində Rəsul adlı şəxs (soyadı dəqiqləşdirilir - red) hadisə yerində, 1989-cu il təvəllüdlü Əhmədov Elçin Elxan oğlu isə xəstəxanada ölüb.

Qəza zamanı Şəmkir rayon sakinləri - 1998-ci il təvəllüdlü İmanov Seymur Nəcəf oğlu, 1996-cı il təvəllüdlü Həsənov İlham Yılmaz oğlu və Əminə adlı daha bir qadın (soyadı dəqiqləşdirilir - red) müxtəlif xəsarətlər alıblar.

Faktla bağlı araşdırma aparılır.

21:53----

Şəmkir rayonunda ölümlə nəticələnən yol-nəqliyyat hadisəsi olub.

"Report"un məlumatına görə, hadisə Yeni Həyat kəndində qeydə alınıb. Avtomobillərin toqquşması nəticəsində 1 nəfər ölüb, daha 3 nəfər xəsarət alıb.

Hadisə yerinə təcili tibbi yardım briqadası və Dövlət Yol Polisinin əməkdaşları cəlb olunub. Yaralılar xəstəxanaya çatdırılıb.

Faktla bağlı araşdırma aparılır.