Şəmkirdə qəza - 1 yaralı

Şəmkirdə sürücünün xəsarəti ilə nəticələn yol qəzası baş verib. Avtosfer.az Kəpəz TV-yə istinadən xəbər verir ki, rayonun Çinarlı kəndində sürücü tŞəmkir rayon sakini 36 yaşlı Ruslan Abbasov idarə etdiyi avtomobilin idarəetməsini itirib və qəza törədib. Nəticədə, adıçəkilən şəxs ağır xəsarətlərlə Gəncə şəhər Təcili Tibbi Yardım Xəstəxanasının (TTYX) travmatalogiya şöbəsinə yerləşdirilib. Xəstənin vəziyyəti ağır olduğu üçün o, reanimasiya şöbəsinə aparılıb. Həkimlər xəstənin çoxlu qan itirdiyini bildirib. Faktla bağlı araşdırma aparılır.