Şəmkirdə sürücülük hüququ olmayan şəxs qəza törədib, ölən var

Şəmkir rayonunun Yeni Həyat kəndində ölümlə nəticələn yol qəzası olub.

Avtosfer.az xəbər verir ki, 2007-ci il təvəllüdlü Ayxan Amasovun idarə etdiyi “VAZ 2112” markalı avtomobil Şəmkir rayonu istiqamətinə hərəkətdə olarkən idarəetmədən çıxaraq aşıb.

Nəticədə avtomobildə olan sürücü A.Amasov və sərnişin - 2009-cu il təvəllüdlü Alıyev Turxan İlham oğlu xəsarət alıb, digər sərnişin - 1998-ci il təvəllüdlü Alıyev Orxan İlham oğlu aldığı xəsarətlərdən Şəmkir Rayon Mərkəzi Xəstəxanasında ölüb.