Sərnişin avtobusu tikinti kotlavanına aşdı: 15 yaralı - FOTO

İspaniyada sərnişin avtobusu tikinti kotlavanına aşıb.

Avtosfer.az xəbər verir ki, hadisə martın 11-də Barselonanın şəhərətrafı Kornella de Llobregat bölgəsində qeydə alınıb. Bu barədə El Mundo portalı məlumat yayıb.

Məlumata görə, salonunda 25 nəfər olan sərnişin avtobusu sürücünün sükanidarəetməsini itirməsi səbəbindən yoldan çıxıb və tikintisi gedən binanın kotlavanına aşıb.

Bildirilir ki, qəza nəticəsində 1-i ağır, 6-sı az yüngül olmaqla ümumilikdə 15 nəfər müxtəlif dərəcəli bədən xəsarətləri alıb.

Yaralılar hadisə yerinə cəlb edilən ambulanslarla xəstəxanaya çatdırılıblar.

Namiq Musayev