Siyəzəndə qəza: “Toyota”yla toqquşan “QAZ” hasara çırpıldı - VİDEO

Siyəzən rayonu Qalaaltı kəndində yol-nəqliyyat hadisəsi baş verib.
Avtosfer.az-ın məlumatına görə, qəza fevralın 18-i səhər saatlarında qeydə alınıb. Hərəkətdə olan 77-KF-071 dövlət nömrə nişanlı “Toyota” markalı avtomobil 53-BA-100 dövlət nömrə nişanlı “QAZ 24” markalı maşınla toqquşub. Qəzaya səbəb asfalt örtüyünün buz bağlaması olub. Nəticədə “Toyota” sürücüsü idarəetməni itirərək “QAZ 24”ü vurub. O isə öz növbəsində yoldan çıxaraq hasara çırpılıb. Hadisə zamanı sürücülər arasında xəsarət alan olmasa da nəqliyyat vasitələrinə maddi ziyan dəyib.
Qeyd edək ki, DİN-in mətbuat xidmətinin Quba regional qrupunun baş inspektoru, polis baş leytenantı Xəyal Talıbov baş vermiş qəzayla əlaqədar Avtosfer.az-a məlumat verib. O, bildirib ki, faktla bağlı qanunamüvafiq tədbir görülüb.

Nərmin