Sürücü başından vuruldu

Rusiyanın Saratov şəhərində azərbaycanlı taksi sürücüsünü güllələyiblər.

Avtosfer.az anspress-ə istinadən xəbər verir ki, hadisə Lenin rayonunda baş verib. Rusiya mətbuatında yer alan məlumata görə, sürücünün 47 yaşı olub. 

Hələlik cinayət törədənin kimliyi və qətlin nə üstündə törədildiyi bəlli deyil. "Hadisə Solnıcni qəsəbəsində baş verib. Başından 3 güllə yarası alan sürücü "Toyoto" markalı maşınında öldürülüb. Daha sonra naməlum şəxs və ya şəxslər maşını qaçırıblar. Qaçırılan maşın sonradan Quselsk küçəsində tapılıb. Onun sonuncu sərnişinlərinin "Saratov" kinoteatrının yanından götürüldüyü bəllidir".

Faktı Lenin rayon prokurorunun müavini Pavel Şetinin də təsdiqləyib. Onun sözlərinə görə, öldürülən şəxs "Vezet" taksi şirkətində çalışıb. "Onun meyitini qarajdan tapıblar. Bu barədə meyiti tapan şəxs məlumat verib. Meyitin məhkəmə-tibbi ekspertizası hələ keçirilməyib".