Sürücü diqqətsizliyi zəncirvari qəzaya səbəb oldu - 3 maşın.. - ANBAAN VİDEO

Abşeron rayonu Xırdalan şəhərində qəza anı obyektin müşahidə kamerasına düşüb.
Avtosfer.az-ın məlumatına görə, hadisə fevralın 27-si saat 12:35 radələrində qeydə alınıb. Belə ki, 20-EZ-695 dövlət nömrə nişanlı “Opel” markalı avtomobil yolu dönərkən hərəkətdə olan maşına məhəl qoymayıb. Bu zaman qarşı tərəfdən gələn sürücü anidən manevr etməyə çalışıb. Lakin o, “Opel”lə yanaşı yol kənarında park edilmiş “Toyota” markalı avtomobillə toqquşub. Hadisə nəticəsində hər üç nəqliyyat vasitəsinə maddi ziyan dəyib. 
Qeyd edək ki, qəzanın görüntüsü sosial şəbəkədə müzakirələrə səbəb olub. Qayda pozan sürücü hadisə zamanı fikirli olduğunu vurğulayıb.

Nərmin