Təlim təyyarəsi qəzaya uğradı; 2 hərbçi həlak olub

Mərakeşdə Krallıq Hərbi Hava Qüvvələrinə məxsus təlim təyyarəsi qəzaya uğrayıb.

Avtosfer.az "Report"a istinadən xəbər verir ki, bu barədə Maghreb Arab Press (MAP) agentliyi məlumat yayıb.

Qəza nəticəsində HHQ-nin polkovniki və təlim keçən daha bir zabit həlak olub.

Bildirilir ki, DA-42 təlim təyyarəsi Ben-Sliman hərbi hava bazasında havaya qalxandan dərhal sonra qəzaya uğrayıb.

Hadisənin səbəblərini müəyyən etmək üçün istintaq komitəsi yaradılıb.