Toqquşan maşınlar park edilmiş “Ford”a çırpıldı - DİN-dən AÇIQLAMA - VİDEO

Lənkəran şəhərində zəncirvari yol-nəqliyyat hadisəsi baş verib
Avtosfer.az-ın məlumatına görə, qəza yanvarın 30-u səhər saatlarında qeydə alınıb. Belə ki, hərəkətdə olan “Mercedes” markalı avtomobil, “VAZ-2107” markalı maşınla toqquşub. İddiaya görə, qəzaya səbəb yüksək sürət həddi olub. Nəticədə bir-birinə çırpılan nəqliyyat vasitələri yararsız hala düşüb. Həmçinin hadisə zamanı yolun kənarında park edilmiş “Ford Transit” markalı yük maşınına da maddi ziyan dəyib. Xoşbəxtlikdən sürücülər arasında xəsarət alan olmayıb.
DİN-in Mətbuat xidmətinin Lənkəran regional qrupunun baş inspektoru, polis kapitanı Məhəmməd Rzayev Avtosfer.az-a bildirib ki, qəzayla bağlı araşadırma davam edir. DİN rəsmisi onu da əlavə edib ki, sürücülər arasında xəsarət alan olmasa da 3 avtomobilə maddi ziyan dəyib.

Nərmin