Tovuzda avtomobil dərəyə yuvarlandı - Baba və nəvə öldü

Tovuz rayonu Çobansığnaq kəndində yol-nəqliyyat hadisəsi olub.

Avtosfer.az report.az-a istinadən xəbər verir ki, Həsənov Ramiz Abbasəli oğlunun idarə etdiyi “Niva” markalı avtomobil Tovuz-Çobansığnaq avtomobil yolunun nahamar olan dağlıq hissəsində hərəkətdə olarkən idarəetməni itirərək hündürlükdən dərəyə aşıb.

Nəticədə sürücü Həsənov Ramiz və nəvəsi 15 yaşlı Həsənli Cavidan İlqar oğlu aldığı xəsarətlərdən hadisə yerində ölüblər.
Faktla bağlı cinayət işi başlanaraq istintaq aparılır.