Tovuzda avtomobillər toqquşub, xəsarət alanlar var

Tovuz rayonunun Alakol kəndində ağır yol-nəqliyyat hadisəsi olub, xəsarət alanlar var.

"Report"un Qərb bürosunun məlumatına görə, "VAZ" markalı avtomobil Tovuz şəhər - Alakol kəndi xətti üzrə hərəkət edən "Mercedes" markalı mikroavtobusla toqquşub.

Hadisə nəticəsində, 1999-cu il təvəllüdlü Süleymanov Arzu Vəli oğlu, 1994-cü il təvəllüdlü Abdıyev Azər İlqar oğlu, 2004-cü il təvəllüdlü Şahbazov Raul Elnur oğlu, 1956-cı il təvəllüdlü Bayramov Cahan Abbas oğlu, 1983-cü il təvəllüdlü Yusifli Adilə Məhəmməd qızı və 2005-ci il təvəllüdlü Yusifli Nazipəri Qabil qızı xəsarət alıblar.

Yaralılar xəstəxanaya çatdırılıb.

Faktla bağlı araşdırma aparılır.