Traktorla motosiklet toqquşdu, bayker bir neçə metr kənara uçdu - ANBAAN VİDEO

Xəzər rayonu Türkan qəsəbəsində baş vermiş qəza anbaan kameraya düşüb.
Avtosfer.az-ın məlumatına görə, hadisə aprelin 14-ü səhər saatlarında qeydə alınıb. Videodan göründüyü kimi, traktorla motosikletlə toqquşub. Qəzaya səbəb traktor sürücüsünün növbəsini gözləmədən hərəkət etməsi olub. Nəticədə bir-birinə çırpılan nəqliyyat vasitələrinə maddi ziyan dəyib. Zərbənin təsirindən bir neçə metr kənara sıçrayan motosiklet sürücüsü isə xəsarət alıb. Yaxınlıqda olan insanlar yaralı motosikletçiyə kömək edərək onu xəstəxanaya çatdırıblar.
Qeyd edək ki, faktla bağlı araşdırma aparılır.

Nərmin