Türkiyədə sərnişin avtobusu aşdı - 2 ölü, 28 yaralı - VİDEO

Türkiyənin Amasya bölgəsində güclü yağış səbəbindən sürücünün idarəetməsindən çıxan sərnişin avtobusu aşıb. 

Avtosfer.az xəbər verir ki, qəzada 2 nəfər ölüb, 28 nəfər yaralanıb.

Hadisə bu gün səhər saatlarında Amasya-Çorum yolunun 25-ci kilometrliyində baş verib. Bildirilib ki, sərnişin avtobusu İzmirdən Tokata gedirmiş.

Qəza səbəbindən Amasya-Çorum avtomobil yolu bir müddət bağlanıb.

Qəza zamanı yaralananlardan biri hadisənin səbəbkarı kimi sürücünü göstərib:

"Köməkçi sürücüyə “yavaş get” xəbərdarlığı edib, amma sürücü “tələsirəm” deyib". 

"Unikal"