Türkiyədə sərnişin avtobusu yandı - FOTO

İstanbul-İzmir magistral yolunda hərəkət edən sərnişin avtobusu naməlum səbəbdən Bursa vilayətindəki Orhangazi tunelinin girişində yanıb.

Avtosfer.az xəbər verir ki, alov qısa müddətdə bütün avtobusa yayılıb, 39 sərnişin dərhal təxliyə edilib.

Tüstüdən zəhərlənən 3 sərnişinə yerində tibbi yardım göstərilib. Ümumilikdə 16 sərnişin yaxınlıqdakı xəstəxanaya göndərilib. Onların həyatları ilə bağlı təhlükənin olmadığı bildirilib.

Hadisə yerinə gələn yanğınsöndürənlər alovun yayılmasının qarşısını alıblar. Avtobus yararsız hala düşüb, İstanbul-İzmir yolu bir müddət bağlı qalıb.\

Bizim.Media