Vəsiqəsiz yeniyetmə “Mercedes”lə 8 yaşlı uşağı vurdu; bölməyə düşdü - VİDEO

Yeniyetmə idarə etdiyi avtomobillə məktəblini vurub. Avtosfer.az xəbər verir ki, Rusiyanın Tümen şəhərində baş verən hadisənin görüntüləri kameraya düşüb. Belə ki, Andrey Korenevski küçəsində sürücülük vəsiqəsi olmayan yeniyetmə idarə etdiyi “Mercedes” markalı avtomobillə yolun piyadalar üçün qadağan olan hissəsindən qaçaraq keçən 8 yaşlı oğlanı vurub. Zərbənin təsirindən oğlan havaya qalxaraq asfalta çırpılıb.
Qəza nəticəsində 8 yaşlı piyada xəsarətlər alıb. Ətrafdakı insanların çağırışı ilə hadisə yerinə polis və təcili tibbi yardım briqadasının əməkdaşları gəlib. Zərərçəkən ilkin tibbi yardımdan sonra xəstəxanaya yerləşdirilib.
Vəsiqəsiz yeniyetmə isə polis əməkdaşları tərəfindən saxlanılaraq bölməyə aparılıb.
Sözügedən hadisənin kadrlarını təqdim edirik:

Namiq Musayev