Xaçmaz-Quba yolunda üç avtomobil toqquşdu, sürücülərdən biri yaralandı - VİDEO

Xaçmaz-Quba yolunun 5-ci kilometrliyində zəncirvari qəza baş verib.
Avtosfer.az-ın məlumatına görə, hadisə fevralın 8-i səhər saatlarında “İntizar” şadlıq sarayının yaxınlığında qeydə alınıb. 
Belə ki, hərəkətdə olan “VAZ-21015”, “VAZ-21014” və “UAZ” markalı avtomobillər toqquşub. Hadisə nəticəsində ölən olmayıb. “VAZ-21014”  markalı avtomobilin sürücüsü xəsarət alıb. Həmçinin nəqliyyat vasitələrinə maddi ziyan dəyib.
DİN-in mətbuat xidmətinin Quba regional qrupunun baş inspektoru, polis baş leytenantı Xəyal Talıbov baş vermiş qəzayla əlaqədar Avtosfer.az-a məlumat verib. O, bildirib ki, faktla bağlı Xaçmaz RPŞ-də araşdırmalar davam etdirilir.

Nərmin