Xaçmazda iki maşın toqquşdu: yaralılar var

Gecə saatlarında Xaçmazda yol-nəqliyyat hadisəsi baş verib. Avtosfer.az xəbər verir ki, bu barədə apa-nın şimal bürosunun verdiyi məlumata görə, hadisə şəhərin Nəriman Nərimanov küçəsində qeydə alınıb. 27 BC 249 və 27 BM 119 dövlət nömrə nişanlı “VAZ 21011” markalı avtomobillərin toqquşması nəticəsində Xaçmaz rayon sakini 38 yaşlı Mahir Quliyev xəsarət alıb.

Xaçmaz Mərkəzi Rayon Xəstəxanasına gətirilən Mahir Quliyevə döş qəfəsinin əzilməsi diaqnozu qoyulub.

Faktla bağlı Xaçmaz rayon Polis Şöbəsində araşdırma aparılır.