Xaçmazda sürücü piyadaları vuraraq qaçıb, ölən və yaralanan var

Xaçmazda ölümlə və xəsarətlə nəticələnən ağır yol-nəqliyyat hadisəsi baş verib. Hadisə Muxtadır qəsəbəsi ərazisində baş verib.

Belə ki, naməlum avtomobil yolu keçmək istəyən Xaçmaz şəhəri sakini, 1961-ci il təvəllüdlü Seyidəliyev Nurməhəmməd Sabir oğlu və Bakı şəhər sakini, 1969-cu il təvəllüdlü Şahbazov İbrahim Arif oğlunu vurub. Nəticədə S.Nurməhəmməd hadisə yerində ölüb, A.Sahbazov isə Xaçmaz Rayon Mərkəzi Xəstəxanasına yerləşdirilib.

Qeyd edək ki, hadisəni törədən sürücü qaçıb.

Faktla bağlı araşdırma aparılır. ("Report")