Xətaidə zəncirvari qəza – 3 maşın toqquşdu, 1 nəfər xəsarət aldı - VİDEO

Bakıda zəncirvari yol-nəqliyyat hadisəsi qeydə alınıb.

Avtosfer.az xəbər verir ki, hadisə dünən axşam saatlarında Xətai rayonu, 8 Noyabr prospektində baş verib.

Belə ki, “Baic” markalı avtomobil yüksək sürətlə “Prius” markalı 77-XJ-218 qeydiyyat nişanlı avtomobilə çırpılıb. Zərbənin təsirindən “Prius” öndəki  “Nissan” markalı avtomobili əzib. Qəza nəticəsində 77-XJ-218 qeydiyyat nişanlı avtomobilin sürücüsü yüngül xəsarət alıb, hər üç maşına isə ziyan dəyib. Həmçinin yolda tıxac yaranıb.

Daxili İşlər Nazirliyindən Avtosfer.az-a bildirilib ki, faktla bağlı araşdırma aparılır.

Məhəbbət Tərlanoğlu