Yağışlı yolda sürüşən “VAZ” parklanmış “Mercedes” və “Chevrolet”ə çırpıldı - VİDEO

Gəncə şəhəri Heydər Əliyev prospektində zəncirvari qəza qeydə alınıb.
Avtosfer.az-ın məlumatına görə, hadisə fevralın 17-si axşam saatlarında “Gəncə Mall”un qarşısında qeydə alınıb. Belə ki, hərəkətdə olan “VAZ-2114” markalı maşın yol kənarında dayanan “Mercedes” və “Chevrolet” markalı avtomobillərə çırpılıb. Qəzaya səbəb kimi, yağışlı hava şəraitiylə əlaqədar yolun sürüşkən olması göstərilir. Nəticədə hər üç nəqliyyat vasitəsinə ziyan dəyib. Xoşbəxtlikdən hadisə zamanı xəsarət alan olmayıb.
Qeyd edək ki, faktla bağlı Gəncə şəhər Baş Polis İdarəsinin Dövlət Yol Polisi Şöbəsində araşdırma aparılır. 

Nərmin