“Yol terror”u davam edir: 3 ölü

Yol-nəqliyyat hadisəsi nəticəsində xəsarətlə xəstəxanaya yerləşdirilmiş Ağcabədi rayon sakini Etibar Məmmədov orada ölüb. Avtosfer.az-ın DİN-in saytına istinadən məlumatına görə, noyabrın 19-da saat 23 radələrində Qazax rayonunun 2-ci Şıxlı kəndində Tovuz rayon sakini Ramin Məmmədov idarə etdiyi “Mercedes” markalı avtomobillə yolu keçən Ağcabədi rayon sakini Etibar Məmmədovu vurub. Xəstəxanaya yerləşdirilmiş E.Məmmədov dünən orada ölüb.

BDYPİ tərəfindən araşdırma aparılır.

Noyabrın 20-də saat 21 radələrində Cəlilabad rayonunun Alar kəndində müəyyən edilməmiş avtomobillə yolu keçən rayon sakini Niyaməddin Əliyev vurulub v o, hadisə yerində ölüb.

BDYPİ tərəfindən araşdırma aparılır.

Noyabrın 20-də saat 23 radələrində Beyləqan şəhərində də baş vermiş yol-nəqliyyat hadisəsi zamanı Füzuli rayon sakini Dünyagir İbişov idarə etdiyi “Mercedes” markalı avtomobili su kanalına aşırıb və hadisə yerində ölüb. Beyləqan RPŞ tərəfindən araşdırma aparılır.

Noyabrın 19-da saat 13 radələrində Yasamal rayonunun A.Şərifzadə küçəsində yolu keçərkən müəyyən edilməmiş avtomobillə vurulan Bakı şəhər sakini Tünzalə Əliyeva dünən xəstəxanaya müraciət edib və ilkin tibbi yardım göstərildikdən sonra buraxılıb.

Yasamal RPİ tərəfindən əməliyyat-axtarış tədbirləri aparılır.

Fidan