Yola baxmadan hərəkət edən “VAZ” sürücüsü “Naz Lifan”ı vurub aşırdı - ANBAAN VİDEO

İsmayıllıda baş vermiş yol qəzası anbaan avtomobilin kamerasına düşüb.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Belə ki, “VAZ-2106” markalı maşın hərəkətdə olan “Naz Lifan” markalı avtomobillə toqquşub. Kadrdan da göründüyü kimi, “VAZ”ın sürücüsü yola baxmadan hərəkətə başlayıb. Nəticədə o, görüntünü qeydə alan maşına dəyərək qəzaya səbəb olub. Zərbənin təsirindən “Naz Lifan” aşıb. Xoşbəxtlikdən sürücü xəsarət almayıb. 

Xatırladaq ki, qanunvericiliyə görə, sürücü hərəkətə başlamazdan, yerdəyişməzdən, dönməzdən, ötməzdən və dayanmazdan qabaq müvafiq istiqamətə dönmək üçün xarici işıq siqnallarının köməyi ilə siqnal verməli və daxil olacağı zolağın boş olduğuna əmin olduqdan sonra manevri həyata keçirməlidir.

Nərmin