Yoldakı çuxurlar qəzaya səbəb oldu - “Vaz” və “Opel” toqquşdu - VİDEO

Ağsu rayonunun Padar kəndində yol-nəqliyyat hadisəsi baş verib. Avtosfer.az-ın məlumatına görə, qəza martın 6-sı səhər saatlarında qeydə alınıb. Hərəkətdə olan 06-BG-703 dövlət nömrə nişanlı “Opel” markalı avtomobil, “VAZ-2106” markalı maşına çırpılıb.

İddialara əsasən, qəzaya səbəb asfalt örtüyünün yararsız vəziyyətdə olmasıdır. Zərərçəkmiş bildirib ki, yoldakı iri çuxurlar ərazidə tez-tez qəzalara səbəb olur. O, avtomobili qaçırtmaq istəyərkən digər maşınla toqquşub. Nəticədə yoldan çıxan hər iki nəqliyyat vasitəsi yararsız hala düşüb. Sürücülər arasında xəsarət alan olmayıb.
Qeyd edək ki, hadisə yerinə DYP əməkdaşı cəlb olunub.

Faktla bağlı araşdırma aparılır. 

Nərmin