Yollarda həftəsonu: 4 ölü, onlarla yaralı

İstirahət günlərində Azərbaycan yollarında baş vermiş avtomobil qəzaları 4 nəfərin həyatına son qoyub. Avtosfer.az-ın məlumatına görə, ölümlə nəticələnən qəzaların hamısı şənbə günü baş verib. Dekabrın 26-da ümumilikdə 9 yolqəzası qeydə alınıb ki, nəticədə 4 nəfər ölüb, 19 nəfər isə yaralanıb. Bazar günü isə qəzalarda həyatını itirən olmayıb. Belə ki, dekabrın 27-də ümumilikdə 13 avtomobil qəzası baş verib ki, nəticədə 20 nəfər yaralanıb. Hər bir faktla bağlı araşdırmalar aparılır.