Yüksək sürətlə ağaca çırpılan “07”nin kapotu göyə uçdu - ANBAAN VİDEO

Samuxda qəzaya uğrayan avtomobilin görüntüsü anbaan kameraya düşüb.
Avtosfer.az xəbər verir ki, hadisə bir müddət əvvəl səhər saatlarında qeydə alınıb. Görüntüdən aydın olduğu kimi, hərəkətdə olan “VAZ-2107” markalı avtomobilin sürücüsü idarəetməni itirərək maşını ağaca çırpıb. Hadisə şahidlərinin iddiasına görə, qəzaya səbəb sürücünün sürət həddini aşması olub. Belə ki, o, sürüşkən yolda avtomobili yüksək sürətlə idarə edərkən anidən sükanı buraxıb. Nəticədə yoldan çıxan “VAZ” yüksək zərbəylə ağaca dəyib. Sürücü ciddi xəsarət almasa da, nəqliyyat vasitəsinə maddi ziyan dəyib. 

Nərmin