Zaqatalada avtomobil ağaca çırpıldı, xəsarət alanlar var - FOTO

Zaqatalada minik avtomobili ağaca çırpılıb, xəsarət alanlar var.

Hadisə səhər saatlarında Yevlax-Zaqatala-Gürcüstan sərhəd magistiral yolunun Zaqatala rayonu Aşağı Tala kəndinin inzibati ərazisindən keçən hissəsində baş verib. Zaqatala şəhəri istiqamətində hərəkətdə olan “Lada Priora” markalı 90 XZ 447 dövlət nömrə nişanlı minik avtomobili idarəetmədən çıxaraq yolun kənarındakı ağaca çırpılıb.

Qəza zamanı xəsarət alan sürücü rayonun Bəhmətli kənd sakini 1991-ci il təvəllüdlü Orxan Zahid oğlu Vəliyev və onun sərnişini rayonun Lahıc kənd sakini 1995-ci il təvəllüdlü Coşqun Rafael oğlu Abdullayevdi.

Onların müalicəsi Zaqatala RMX-da davam etdirilir.

Faktla bağlı araşdırma aparılır.