8 Noyabr propektində təmir işlərinə start verilib - FOTO

Paytaxtın 8 Noyabr prospektinin Yusif Səfərov küçəsi ilə kəsişməsindən Zığ dairəsi istiqamətində təmir işlərinə start verilib.

Avtosfer.az xəbər verir ki, hazırda ərazidə köhnə səki daşlarının söküntüsü işləri aparılır. İşlərin aparıldığı ərazidə hərəkət məhdudlaşdırılmayıb. Lakin ərazidən keçən nəqliyyat vasitələrinin və çalışan işçilərin təhlükəsizliyi baxımından müəyyən hərəkət zolaqları üzrə qismən məhdudlaşma tətbiq edilib.

Azərbaycan Avtomobil Yolları Dövlət Agentliyi sürücülərdən təmir müddətində sözügedən prospektlə hərəkətdə olarkən diqqətli olmalarını, təmir ərazisində qoyulacaq müvəqqəti yol nişanlarının tələblərinə və yol hərəkəti qaydalarına riayət etmələrini xahiş edir.